"अभ्यास-हातेमालो-७" सम्पन्न

नेपाल सरकार गृह मन्त्रालय र राष्ट्रिय विपद् व्यवस्थापन तथा जोखिम न्यूनिकरण प्राधिकरण सँगको समन्वयमा नेपाली सेनाको नेत‍ृत्वमा वार्षिक रुपमा विभिन्न तहमा विपद् व्यवस्थापनसंग सरोकार राख्ने सबै सुरक्षा निकाय, नेपाल सरकारका सम्बद्ध मन्त्रालयहरु, विभिन्न सरकारी निकाय र गैर सरकारी राष्ट्रिय तथा नेपाल स्थित अन्तर्राष्ट्रिय संघ संस्थाहरुका प्रतिनिधीहरु को सहभागीतामा "अभ्यास-हातेमालो-७" मिति २०८१।११।१८, १९ र २० गते जंगी अड्डा स्थित त्रिभुवन आर्मी अफिसर्स क्लवको सभामण्डपमा संचालन भई आज मिति २०८१।११।२० गतेको १५०० बजे सम्पन्न भएको छ। नेपाली सेनाबाट-६४ , विभिन्न मन्‍त्रालय तथा सरकारी निकायहरुबाट-२८, अन्य सुरक्षाकर्मी-८, गैरसरकारी संघ संस्थाहरुबाट-१५ गरी कुल जम्मा-११५ जना सहभागी उक्त अभ्यासको मिति २०८१।११।२० गते श्री बलाधिकृत रथी श्री निर्मल कुमार थापाज्यूबाट समापन भएको छ।